Xitoyning "Shanxay Port" klubi hujumkor yarim himoyachisi Oskar qishki transfer oynasida "Barselona" klubiga o‘tishdan umidini uzmayotganini yashirmadi. Shu narsa tushunarsizki, kataloniyaliklar ushbu transferni qanday amalga oshirishlari mumkin? Axir 30 yoshli braziliyalik futbolchining xitoyliklar bilan 2024 yilning yozigacha shartnomasi mavjud.
"Menga ma’lum bo‘lishicha, "Barselona" bilan muzokaralar hali davom etmoqda, lekin muammo shundaki, ular meni ro‘yxatdan o‘tkazishlari uchun qaysidir bir futbolchini sotishlari kerak", — dedi Oskar Fabrisio Romano bilan suhbatda.