PSJ hujumchisi Kilian Mbappe Fransiya chempionati 22-turidan o‘rin olgan "Reyms"ga qarshi o‘yinda ishtirok etmasligi mumkin.
Parij klubi rasmiy sayti xabariga ko‘ra, 23 yoshli fransiyalik futbolchi bugungi jamoa mashg‘ulotlarini o‘tkazib yuborgan. U individual dastur asosida ishlagan. Uning keyingi o‘yindagi ishtiroki so‘roq ostida. Bu boradagi qaror faqat ertangi mashg‘ulotdan so‘ng qabul qilinadi.
Shuningdek, jarohatidan tiklanishda davom etayotgan Neymar kelasi hafta boshidan umumiy guruhdagi mashg‘ulotlarga qaytishi mumkinligi aytilmoqda.