ПСЖ ҳужумчиси Килиан Мбаппе Франция чемпионати 22-туридан ўрин олган "Реймс"га қарши ўйинда иштирок этмаслиги мумкин.
Париж клуби расмий сайти хабарига кўра, 23 ёшли франциялик футболчи бугунги жамоа машғулотларини ўтказиб юборган. У индивидуал дастур асосида ишлаган. Унинг кейинги ўйиндаги иштироки сўроқ остида. Бу борадаги қарор фақат эртанги машғулотдан сўнг қабул қилинади.
Шунингдек, жароҳатидан тикланишда давом этаётган Неймар келаси ҳафта бошидан умумий гуруҳдаги машғулотларга қайтиши мумкинлиги айтилмоқда.