Ispaniya futbolchilar assosiasiyasi bosh kotibi Diyego Rivas «Barselona» hujumchisi Usmon Dembele bilan bog‘liq vaziyatga izoh berdi.

«Futbolchi bajarishi kerak bo‘lgan yagona ish — mashg‘ulotda ishtirok etish. Agar futbolchi shartnomani uzaytirishdan bosh tortgani uchun u "Barsa" futbolkasini boshqa kiymasa, bu uning irodasini sindirish maqsadida bosim uyushtirish deya baholanishi mumkin. Agar Dembelega bosim uyushtirilsa, o‘yinchi «Barselona» ustidan sudga shikoyat kiritishi mumkin.

Dembele shartnomani uzaytirishni istamayotgani uning maydonga tushirilmasligi mumkinligi haqida bayonot berildi. Buni biroz bosim uyushtirishga urinish deb baholash mumkin.

Biz hozirda o‘yinchining agenti bilan aloqada bo‘lib turibmiz va unga yordam berishga tayyormiz. Biz futbolchining ixtiyoridamiz va unga yordam berish bizning majburiyat. "Barselona" bilan ham aloqadamiz», – dedi Rivas.