Angliyaning «Manchester Yunayted» klubi bosh murabbiyi Ralf Rangnik «Vest Xem» (1:0) ustidan qo‘lga kiritilgan g‘alaba haqida fikr bildirdi.

«Kiyinish xonamizdagi muhit a’lo darajada. Yigitlar g‘alabani munosib tarzda nishonladi. Bu g‘alaba naqadar muhim ekanligini ular juda yaxshi biladi.

Biz har doim ham raqib darvozasi oldida to‘g‘ri qaror qabul qilavermadik. So‘nggi 20 daqiqada haddan tashqari ko‘p zarbalar bo‘ldi, lekin ularning hammasi ham xavfli ko‘rinish olmadi. Ko‘proq aniqroq o‘ynashimiz kerak edi. Biroq, eng asosiysi – uch ochko.

So‘nggi 15 daqiqada tavakkal qilishimizga to‘g‘ri keldi, lekin yakunda yigitlarga hisobni ko‘rsatib, asosiysi g‘alaba dedim», – dedi Rangnik.