“Arsenal” “Fiorentina” hujumchisi Dushan Vlaxovich uchun yangi taklif bilan chiqdi, deb xabar beradi Goal. Manbaga ko‘ra, “to‘pchilar” futbolchi uchun 70 million yevro taklif qilgan.

Ingliz klubi rahbariyati shu oyning o‘zidayoq o‘z jamoasida iqtidorli hujumchini ko‘rishni istamoqda. “Binafsharanglilar” uni qo‘yib yuborishga tayyormi yoki yo‘qmi hozircha noma’lum.

Eslatib o‘tamiz, avvalroq “Fiorentina” direktori Vlaxovich transferi bo‘yicha Angliya jamoalari bilan muzokara olib borayotganini tasdiqladi.