Boks bo‘yicha Toshkentda o‘tayotgan yoshlar o‘rtasidagi Osiyo chempionatida ikkinchi kun bellashuvlari o‘z yakuniga yetdi. Ma’lum qilganimizdek, unda ikki nafar hamyurtimiz ringga ko‘tarildi.
Dastlab -57 kg vazn toifasida Dilshod Abdulmurodov iroqlik Muhammed Makassesga hech qanday imkoniyat qoldirmadi va chiroyli g‘alabaga erishdi. Afsuski, -91 kg og‘irlikda ringga ko‘tarilgan Javohir Tog‘aymurodov imkoniyatni boy berib qo‘ydi. Bellashuvda tojikistonlik Davlat Boltayev yaqqol ustunlikka erishdi.
Osiyo chempionatida ishtirok etayotgan boshqa vakillarimizga chiroyli g‘alabalar tilab qolamiz.
