Italiya A seriyasining 23-turidan o‘rin olgan uchrashuvda "Napoli" "Salernitana"ni mag‘lub etdi. Uchrashuv Neapoldagi "Diyego Armando Maradona" stadionida bo‘lib o‘tdi va 4:1 hisobida mezbonlar foydasiga hal bo‘ldi.
"Napoli" safida Xuan Jezus, Amir Rahmani, Dris Mertens va Lorenso Insinelar gol urishdi. "Salernitana"ning golini Federiko Bonazzoli kiritdi.
“Napoli” 49 ochko bilan Italiya chempionati turnir jadvalida ikkinchi o‘rinda bormoqda. Salernitana 10 ochko bilan oxirgi o‘rinda.
A Seriyaning 23-turidan o‘rin olgan boshqa o‘yinlarda "Spesiya" o‘z maydonida "Sampdoriya"ni mag‘lub etdi (1:0), "Torino" va "Sassuolo" durang (1:1) o‘ynadi.