Bugun Temmi Abraxam «Roma» safidagi to‘qqizinchi va o‘ninchi gollarini «Empoli»ga qarshi o‘yinda kiritdi. Temmi birinchi bo‘lim o‘rtalarida hisobni ochdi va keyinchalik dublni rasmiylashtirdi. Shunday qilib, Abraxam ingliz futbolchilari safida o‘ziga xos natija qayd etdi. Ya’ni 1994/1995 yilgi mavsumdan beri, aniqrog‘i Italiyadagi g‘alaba uchun ikki emas, balki uch ochko bera boshlaganidan beri, boshqa hech bir ingliz futbolchisi bir mavsumda sakkiztadan ko‘proq gol ura olmagan.
Eslatib o‘tamiz, o‘tgan yilning yozidan buyon «Roma»ga ko‘chib o‘tgandi. Temmi bungacha, Londonning «Chelsi», shuningdek, «Bristol Siti», «Suonsi Siti» va «Aston Villa» klublarida o‘ynagan.
