"Barselona" Niderlandiyadan futbolchi sotib olish ishlarini jadallashtirmoqda. Oldin ham xabar berilganidek, kataloniyaliklar "Ayaks"dan Nikolas Taylafikoni xarid qilmoqchi.
Argentinalik himoya vakili yanvar yakuniga qadar jamoani tark etishi aytilgan. Taylafiko Xordi Alba o‘rniga munosib nomzod bo‘la oladi. Alba "Atletik"ka qarshi kubok bahsida jamoasi o‘tkazib yuborgan har uchta golda ham aybli edi.
Shuning uchun ham Xavi uning o‘rnini to‘ldira oladigan o‘yinchi olib kelishni niyat qilgan. Eslatib o‘tamiz, Taylafiko uchun "Chelsi" ham da’vogar sanaladi.
