"Chelsi" bosh murabbiyi Tomas Tuxel "Tottenxem"ga qarshi (2:0) Angliya premyer-ligasining 23-tur uchrashuvi vaqtida yuz bergan voqeadan so‘ng muxlislarni futbolchilarga hurmat ko‘rsatishga chaqirdi.

Eslatib o‘tamiz, uchrashuv vaqtida "shporlar" muxlislari "Chelsi" himoyachisi Antonio Ryudigerga turli xil narsalarni, masalan, zajigalka va shisha ochuvchiga o‘xshash narsalarni uloqtirishgan. Futbolchi hakam e’tiborini "Tottenxem" muxlislarining xatti-harakatlariga qaratishga uringaniga qaramay, uchrashuv to‘xtatilmadi. O‘yindan so‘ng polisiya ikki kishini hibsga oldi.

“Har bir inson bir-birini hurmat qilishi va o‘zini ma’lum tamoyillarga muvofiq tutishi kerak. Agar bu yangi tendensiya bo‘lsa, biz uni imkon qadar tezroq to‘xtatish uchun birgalikda harakat qilishimiz kerak. Fantastik muhit va ingliz futbolining o‘ziga xos atmosferasini saqlab qolish kerak", - deya Tuxelning so‘zlarini keltiradi Sky Sports.