Taniqli jurnalist, sport sharhlovchisi Davron Fayziyev o‘z sahifasida Karim Benzemaning kechagi omadsizligi haqida yozdi.

"Kecha Karim Benzema uchun juda yomon kun bo‘ldi. "Elche"ga qarshi o‘yinda u "Real" safida birinchi bor penaltidan gol ura olmadi. Buyam mayli, keyinroq yo‘q joyda jarohat oldi va maydonni tark etdi, jamoasi yakunda ochkolar yo‘qotdi. Uyda esa uni yanada katta “syurpriz” kutib turardi. Uchrashuv o‘tkazilayotgan paytda, hech kim yo‘qligida Karimning uyiga o‘g‘ri tushgan. Bir kechada uchta noxush holat. Benzema uchun juda yaxshi o‘tayotgan ushbu mavsumning eng omadsiz kuni shu bo‘lsa kerak. Ko‘z tegdi shekilli", - deb yozdi Fayziyev Telegram sahifasida.