Таниқли журналист, спорт шарҳловчиси Даврон Файзиев ўз саҳифасида Карим Бенземанинг кечаги омадсизлиги ҳақида ёзди.
"Кеча Карим Бензема учун жуда ёмон кун бўлди. "Эльче"га қарши ўйинда у "Реал" сафида биринчи бор пенальтидан гол ура олмади. Буям майли, кейинроқ йўқ жойда жароҳат олди ва майдонни тарк этди, жамоаси якунда очколар йўқотди. Уйда эса уни янада катта “сюрприз” кутиб турарди. Учрашув ўтказилаётган пайтда, ҳеч ким йўқлигида Каримнинг уйига ўғри тушган. Бир кечада учта нохуш ҳолат. Бензема учун жуда яхши ўтаётган ушбу мавсумнинг энг омадсиз куни шу бўлса керак. Кўз тегди шекилли", - деб ёзди Файзиев Telegram саҳифасида.
