Yaqinda «Xoffenxaym» bilan o‘yinda (3:2) mushaklari shikastlab olgan «Borussiya Dortmund» yetakchisi Erling Xolandning jarohati haqida ma’lumot berildi. Manbaga ko‘ra, norvegiyalikning jarohati unchalik jiddiy emas.
Sport1 nashri xabariga ko‘ra, Erlingning jarohati kutilgandek jiddiy bo‘lmagan. Xoland Bundesliganing navbatdagi tur uchrashuvi doirasidagi «Bayer»ga qarshi bahsda maydonga qaytishi mumkin. O‘yin 6 fevralga belgilangan.
Joriy mavsumda Xoland barcha musobaqalarda 20 ta o‘yinda 23 ta gol urdi.
OAVda norvegiyalik futbolchining mavsum yakunida Dortmundni tark etishi haqida anchadan beri mish-mishlar yuribdi. Unga asosiy da’vogarlar «Real», «Barselona» va «Manchester Siti» hisoblanadi.
