Яқинда «Хоффенхайм» билан ўйинда (3:2) мушаклари шикастлаб олган «Боруссия Дортмунд» етакчиси Эрлинг Холанднинг жароҳати ҳақида маълумот берилди. Манбага кўра, норвегияликнинг жароҳати унчалик жиддий эмас. 

Sport1 нашри хабарига кўра, Эрлингнинг жароҳати кутилгандек жиддий бўлмаган. Холанд Бундеслиганинг навбатдаги тур учрашуви доирасидаги «Байер»га қарши баҳсда майдонга қайтиши мумкин. Ўйин 6 февралга белгиланган.

Жорий мавсумда Холанд барча мусобақаларда 20 та ўйинда 23 та гол урди.

ОАВда норвегиялик футболчининг мавсум якунида Дортмундни тарк этиши ҳақида анчадан бери миш-мишлар юрибди. Унга асосий даъвогарлар «Реал», «Барселона» ва «Манчестер Сити» ҳисобланади.