"Salernitana" rahbariyati "Atletiko" va "Chelsi"ning sobiq hujumchisi Diyego Kostani xarid qilmaslikka qaror qildi, deb yozadi "Football Italia".
Manbaning xabariga ko‘ra, klub 33 yoshli futbolchining jismoniy holati yaxshi ekanligiga shubha qilmoqda.
Oldinroq klub shartnomani hujumchining agentiga jo‘natgani haqida xabar berilgandi, biroq shundan so‘ng ular o‘z fikridan qaytgan. Futbolchining o‘zi ham A Seriya autsayderida o‘ynashni istamaydi.
"Salernitana" ayni damda Italiya chempionatida 22 turdan keyin 10 ochko to‘plagan holda oxirgi o‘rinda bormoqda.
