O‘zbekiston milliy terma jamoasi 27 yanvar, payshanba kuni Janubiy Sudanga qarshi nazorat o‘yinida ishtirok etdi.

Uchrashuv tezkor gol bilan boshlandi, 6-daqiqada Eldor Shomurodov tovoni bilan zarba berib, chiroyli tarzda hisobni ochdi. 28-daqiqada esa Shomurodov darvozabon bilan birga-bir vaziyatga chiqib, dublni rasmiylashtirdi. Jamoalar tanaffusga shu hisobda yo‘l oldi.

Ikkinchi 45 daqiqalikni ham Srechko Katanes shogirdlari tezkor hujumlar bilan boshladi. 67-daqiqada Jaloliddin Masharipov penaltidan "panenka" uslubida zarba bilan gol muallifiga aylandi va hisobni yirik ko‘rinishga olib keldi.

Qayd etish kerak, 210 ta terma jamoa kiritilgan FIFA reytingida Janubiy Sudan 167-o‘rinda qayd etilgan. O‘zbekiston esa 84-pog‘onadan joy olgan.

Eslatib o‘tamiz, terma jamoa Dubaydagi yig‘in doirasida 23 yanvar kuni BAAning «Al-Vahda» klubini mag‘lub etdi. Shuningdek, yig‘in doirasida 1 fevral kuni Yangi Zelandiyaga qarshi o‘rtoqlik o‘yini o‘tkazilishi rejalashtirilgan.

O‘rtoqlik o‘yini
27 yanvar, payshanba
O‘zbekiston — Janubiy Sudan 3:0
Gollar: 1:0 — 6 Shomurodov, 2:0 — 29 Shomurodov, 3:0 — 67 Masharipov
O‘zbekiston: 16.Valijon Rahimov, 9.Dilshod Saidov (3.Hojiakbar Alijonov, 81), 15.Umar Eshmurodov, 2.Islom Qobilov, 18.SHerzod Nasrullayev, 20.Akmal Mozgovoy (17.Sardor Sobirxo‘jayev, 57), 7.Otabek Shukurov, 22.Javohir Siddiqov (6.Aziz G‘aniyev, 46), 23.Hojimat Erkinov (21.SHahboz Umarov, 57), 10.Jaloliddin Masharipov (8.Oybek Bozorov, 72), 14.Eldor Shomurodov (11.SHerzod Temirov, 72).