Karlo Anchelotti ko‘plab o‘yinchilar bilan yaxshi munosabatlarga ega, ammo munosabatlari yaxshi bo‘lmaganlar ham bor. Ulardan biri Tomas Myuller bo‘lib, u Anchelotti jamoa boshqaruviga Gvardiola o‘rniga kelganidan keyin "Bavariya"ning o‘yini qanday pasayib ketgani haqida gapirdi. Bu 2016 yilda sodir bo‘lgan.
"Men uchun jamoaning tuzilishi juda muhim, mexanizm mukammal ishlashi kerak, bu mening uslubim uchun muhim. Agar biz o‘yinni nazorat qilsak va maydonda barqaror harakat qilsak, men qo‘limdan kelganini qila olaman. Gvardiola ketganidan keyin esa men xuddi Yovvoyi G‘arbdagidek maydonga tushgandek bo‘ldim.
Yillar davomida kurashgan barcha narsalarimiz barbod bo‘ldi. Barqarorlik yo‘q edi, maydonda hamma narsa bo‘lishi mumkin, degan tuyg‘u bor edi, o‘yinni boshqara olmadik. Balki bu tomoshabinlar uchun yaxshiroq bo‘lgandir, lekin biz uchun emas", - dedi Myuller The Athletic nashriga.
