"Portu" "Liverpul"dan hujumchi Luis Dias bo‘yicha taklifni qabul qildi, deya xabar beradi jurnalist Fabrisio Romano.

Manbaga ko‘ra, kelishuv yakuniy bosqichda. "Liverpul" 25 yoshli kolumbiyalik uchun 40 million yevro to‘laydi, transfer summasi futbolchining o‘yinlariga qarab 65 million yevrogacha ko‘tarilishi mumkin.

Dias hozirda Kolumbiya terma jamoasi ixtiyorida, "Liverpul" yanvar oyidagi transfer oynasi yopilgunga qadar transferni amalga oshirish uchun Janubiy Amerikada futbolchini tibbiy ko‘rikdan o‘tkazishni rejalashtirmoqda.