"Порту" "Ливерпуль"дан ҳужумчи Луис Диас бўйича таклифни қабул қилди, дея хабар беради журналист Фабрицио Романо.
Манбага кўра, келишув якуний босқичда. "Ливерпуль" 25 ёшли колумбиялик учун 40 миллион евро тўлайди, трансфер суммаси футболчининг ўйинларига қараб 65 миллион еврогача кўтарилиши мумкин.
Диас ҳозирда Колумбия терма жамоаси ихтиёрида, "Ливерпуль" январь ойидаги трансфер ойнаси ёпилгунга қадар трансферни амалга ошириш учун Жанубий Америкада футболчини тиббий кўрикдан ўтказишни режалаштирмоқда.
