«Inter» yarimhimoyachisi Nikolo Barella Chempionlar ligasi doirasidagi «Real»ga qarshi o‘yinda maydondan chetlatilgani oqibatida diskvalifikasiya oldi.

Endi Barella «Liverpul»ga qarshi Chempionlar ligasi o‘yinlarida maydonga tushmaydi. 24 yoshli italiyalik ikki o‘yinga diskvalifikasiya qilingan.

Shu tariqa, u Yevropaning klublar orasidagi eng nufuzli turniri 1/8 finali doirasidagi «Liverpul»ga qarshi o‘yinlarda ishtirok eta olmaydi.

Ma’lumot uchun, joriy mavsum Barella A Seriyada 20 ta o‘yinda maydonga tushib, 2 ta gol urdi va 7 ta golli uzatmani amalga oshirdi.