«Интер» яримҳимоячиси Николо Барелла Чемпионлар лигаси доирасидаги «Реал»га қарши ўйинда майдондан четлатилгани оқибатида дисквалификация олди.
Энди Барелла «Ливерпул»га қарши Чемпионлар лигаси ўйинларида майдонга тушмайди. 24 ёшли италиялик икки ўйинга дисквалификация қилинган.
Шу тариқа, у Европанинг клублар орасидаги энг нуфузли турнири 1/8 финали доирасидаги «Ливерпул»га қарши ўйинларда иштирок эта олмайди.
Маълумот учун, жорий мавсум Барелла А Серияда 20 та ўйинда майдонга тушиб, 2 та гол урди ва 7 та голли узатмани амалга оширди.
