Ayni damda erkin agent maqomida bo‘lgan Kristian Eriksen tez orada yana Angliyaga qaytadi. Bu haqda "Daily Mail" nashri xabar berdi.
Unga ko‘ra, yarim himoyachi "Brentford" taklif qilgan shartnomani dushanba kuni klub vakillari bilan birga imzolashi mumkin. Hozirda kichik detallar hal qilinmoqda.
Eslatib o‘tamiz, dekabr oyida daniyalik futbolchi "Inter" bilan amaldagi shartnomasini bekor qilgandi.
Ma’lumot uchun, uning yuragida hozirda kardioverter-defibrillyator bor va bu qurilma bilan A Seriya o‘yinlarida maydonga tushish ta’qiqlangan.
