Айни дамда эркин агент мақомида бўлган Кристиан Эриксен тез орада яна Англияга қайтади. Бу ҳақда "Daily Mail" нашри хабар берди.
Унга кўра, ярим ҳимоячи "Брентфорд" таклиф қилган шартномани душанба куни клуб вакиллари билан бирга имзолаши мумкин. Ҳозирда кичик деталлар ҳал қилинмоқда.
Эслатиб ўтамиз, декабрь ойида даниялик футболчи "Интер" билан амалдаги шартномасини бекор қилганди.
Маълумот учун, унинг юрагида ҳозирда кардиовертер-дефибриллятор бор ва бу қурилма билан А Серия ўйинларида майдонга тушиш таъқиқланган.
