Madridning «Real» klubi «Bavariya» vingeri Serj Gnabriga qiziqish bildirmoqda. Bu haqda Ispaniya matbuoti xabar tarqatmoqda.
Madridliklar ushbu transferni kelayotgan yozda amalga oshirishni rejalashtirishmoqda.
Gnabri va «Bavariya» o‘rtasidagi tuzilgan shartnoma 2023 yilning yozida yakuniga yetadi. Transfermarkt portali 26 yoshli futbolchining narxini 70 million yevro atrofida baholamoqda.
Joriy mavsum Gnabri 27 ta uchrashuvda maydonga tushib, 12 ta gol kiritdi va yettita golli uzatmani amalga oshirdi.