Xabaringiz bor, joriy yilning iyun oyida mamlakatimizda 23 yoshgacha bo‘lgan futbolchilar o‘rtasidagi Osiyo kubogi o‘yinlari bo‘lib o‘tadi.
Qit’amizning nufuzli musobaqasini yuqori saviyada o‘tkazish maqsadida O‘zbekiston futbol assosiasiyasi tomonidan sa’y-harakat boshlab yuborilgan. Xususan, O‘FA ishchi guruhi tomonidan turnir o‘tkaziladigan stadionlar, mehmonxonalar va mashg‘ulot maydonlarining holati o‘rganib chiqildi.
O‘FA rahbariyati boshchiligida musobaqa tashkiliy qo‘mitasining navbatdagi yig‘ilishi bo‘lib o‘tdi. Unda turnirda faoliyat olib boradigan mutaxassislarning funsional vazifalari tushuntirildi. Shuningdek, Osiyo futbol konfederasiyasi vakillarining mamlakatimizga tashrif buyuradigan sanasiga qadar ishchi guruhlar tomonidan o‘rganib chiqilgan masalalar va aniqlangan barcha kamchiliklarni bartaraf etish bo‘yicha amalga oshirilayotgan ishlar muhokama qilindi.