Yangi mavsumga tayyorgarlikni davom ettirayotgan “Bunyodkor” o‘tgan mavsum jamoa libosida to‘p surgan bir qator futbolchilar bilan shartnomani uzaytirdi.
Xususan, G‘ayrat Azizxo‘jayev, Sirojiddin Bashriddinov, Muhammadodil Qahramonov, Muzaffar Olimjonov, tojikistonlik Davronjon Ergashev va qirg‘izistonlik Odiljon Abdurahmonov 2022 yilgi mavsumda ham “Bunyodkor” sharafini himoya qiladi.
Shuningdek, klub tarbiyalanuvchilari, o‘tgan mavsumni “Turon” va “Andijon” jamoalari safida o‘tkazgan himoyachi Sardorbek Xursandov hamda 2021 yil ikkinchi davrada ijara asosida “qaldirg‘ochlar” a’zosiga aylangan Farhod Mirahmatov ham endi huquqiy jihatdan “Bunyodkor”ga tegishli.
