Krishtianu Ronaldu 20 yil ichida o‘nlab jahon rekordlarini qayta yozgan va o‘z biznes imperiyasini qurgan tarixdagi eng buyuk sportchilardan biri. Biz sizga “Manchester Yunayted”, “Real Madrid” va Portugaliya terma jamoasi afsonasi qayerda va qanday yashashi haqida hikoya qilishga qaror qildik.
Krishtianu qancha maosh oladi?
Oxirgi ma’lumotlarga ko‘ra, Ronalduning boyligi taxminan 1,2 milliard dollarga baholanmoqda. Hozirgi sportchilarning hech biri portugaliyalikdan ko‘proq daromad olmagan. Lionel Messining boyligi biroz kamroq - 1,1 milliard dollar.
Oxirgi o‘n yil davomida Ronalduning maoshi yiliga 30 million yevrodan tushmadi. Krish “Real” va “Yuventus”da juda ko‘p oylik olgan. Uning “Manchester Yunayted” ham shu summadan kam emas. Lekin, asosiy daromad, albatta, futboldan tushmaydi. “Forbes” nashri ma’lumotlariga ko‘ra, 2021 yilda Ronaldu 125 million dollar ishlab topgan: klubdagi maoshiga turli bonuslar va reklama shartnomalari qo‘shilgan (taxminan 60 million dollar).
Eng ko‘p Krishtianu “Nike”dan oladi - yiliga 23 million dollar. Shuningdek, u “Clear”, “EA Sports”, “PokerStars”, “Armani”, “Herbalife” va “Castrol” kompaniyalari bilan ham ishlaydi. Homiylik shartnomalarining katta ro‘yxati Ronalduga o‘z biznesini yo‘lga qo‘yishga to‘sqinlik qilmaydi: “CR7” brendi ostida u erkaklar ichki kiyimi, kiyim-kechak, poyabzal, ko‘zoynak va parfyumeriya ishlab chiqaradi. Shuningdek, portugaliyalik “Crunch” bilan birgalikda fitnes klublari tarmog‘ini yaratdi. Hozirda butun dunyo bo‘ylab ularning 15 tasi mavjud.
Ronalduning qo‘shimcha daromadini mehmonxonasi “Pestana CR7” keltirmoqda. Birinchisi Madeyra orolida ochilgan. Portugaliyalikning Nyu-York, Marrakesh (Marokash), Lissabon va Madridda ham mehmonxonalari bor. Qolaversa, Ronalduga tegishli bo‘lgan soch ko‘chirib o‘tkazish klinikasi ham bor.
40 millionlik ko‘chmas mulk: Nyu-Yorkdagi kvartira, Manchesterdagi villa va Madridning elit hududidagi uy
“The Mirror” nashrining yozishicha, Krishtianu qiymati 40 million funt sterlingdan oshiq 9 ta mulkka ega.
Portugaliyalik oilasi bilan Manchester yaqinidagi uyda istiqomat qiladi - bu 3,5 million yevroga baholanmoqda. Ronaldu ilk bor “Manchester Yunayted”ga qaytganida, u avvaliga ikki baravar qimmatroq ulkan qasrda yashadi. Ammo deyarli darhol u yangi uy qidira boshladi – “The Sun” nashrining yozishicha, portugaliyaliklarning tinchligini yaqin atrofda o‘tlayotgan qo‘ylar buzgan va ertalab uxlashiga to‘sqinlik qilgan. Boshqa ma’lumotlarga ko‘ra, Ronaldu xavfsizlik nuqtai nazaridan ko‘chib o‘tishga majbur bo‘lgan.
Krishtianuning yangi uyi biroz kichikroq, lekin unda hamma narsa bor: ajoyib sport zali, kinoteatr, bir nechta basseynlar, to‘rt mashinali garaj va kichik hovuz. Villa tunu kun kuzatuv ostida.
To‘rt yil oldin “Real Madrid”ni tark etganiga qaramay, Ronaldu haligacha Madridning elit La Finka mahallasidagi 5 million yevroga yaqin uyini sotgani yo‘q. Uyning maydoni deyarli bir kvadrat kilometrni tashkil qiladi. “Bu uyni ko‘rganimda, nima deyishni bilmay qolganman. Bir marta oshxonaga borganimda u yerda adashib qoldim! Yotoqxonaga qaytishim uchun yarim soat vaqt ketdi. Men bunday katta xonalarga o‘rganmaganman, chunki bolaligimdan kichkina kvartiralarda yashaganman”, deb tan oldi Krishtianuning qallig‘i Jorjina “Men Jorjinaman” avtobiografik filmida.
Ronaldu shuningdek, Nyu-Yorkdagi “Trump Tower” binosida ham o‘z kvartirasiga ega. Mish-mishlarga ko‘ra, bu portugaliyaliklarning eng qimmat mulki hisoblanadi. Krishtianu kvartirani 2015 yilda 18,5 million dollarga sotib olgan. Hashamatli uyda uchta yotoq xonasi, ikkita yashash xonasi va bir nechta hammom bor, lekin eng muhimi - Nyu-Yorkning ajoyib manzarasi. 2021 yilda Ronaldu kvartirani ancha arzon narxda (taxminan 8 million dollar) sotuvga qo‘ydi.
Shuninglek, Krishtianu Ronalduning Portugaliyada qarindoshlari yashaydigan yetti qavatli “Madeyra” turar-joy majmuasiga ham egalik qiladi. Uning narxi 7 million funtga baholanmoqda.
Futbolchi Marbeldan (Ispaniya) dam olishi uchun uy sotib olishdi. Qo‘shni villa Konor Makgregorga tegishli.
Ronalduning Turindagi uyi ham bor, u “Yuventus”da o‘ynagan davridan beri bu uyga ega. Uning yana ikkita kvartirasi Lissabonda joylashgan. 2019 yilda Ronaldu Portugaliya shimolidagi uyini Madrid klubidagi sobiq sherigi Pepega sotgani haqida xabarlar tarqalgan edi. Ammo, hujjatlarga ko‘ra, Krishtianu hamon uy egasi bo‘lib qolmoqda.
Biroq, Ronalduning eng katta sarmoyasi bu Portugaliyadagi Atlantika okeani sohilidagi qariyalar uyi bo‘lib, u 2025 yilgacha qurib bitkaziladi. Bu OAVdaxilma-xil talqin qilinadi: kimdir buni Krishtianuning sarmoyasi deb aytadi; boshqalar esa, portugaliyalik futbolchi faoliyatini yakunlagach u yerga ko‘chib o‘tishni kutmoqda. Saroy qurib bitkazilganda Ronaldu 40 yoshga to‘ladi.
“Men ishga avtobusda borib, “Bugatti”da qaytaman”. Jorjinaning hayoti qanday o‘zgargan?
2010 yildan 2015 yilgacha Krishtianu rossiyalik model Irina Sheyk bilan yaqin munosabatda bo‘lgan va bir yildan so‘ng u ispaniyalik Jorjina Rodriges bilan uchrasha boshlagan. Ular uchrashganda, Jorjina “Gucci” butikida sotuvchi bo‘lib ishlagan. “Uzoq vaqt davomida avtobusda ishga qatnaganmanva Krishtianu meni “Bugatti” olib ketishiga ko‘nika olmaganman”, - deb tan oldi Rodriges.
Jorjina Ronalduning sevgilisi bo‘lganidan so‘ng, yirik brendlar unga e’tibor qaratishdi. Hozir Rodrigesning ko‘plab reklama shartnomalari bor, Uning “Instagram” sahifasida salkam 30 millionga yaqin obunachisi bor.
Ronaldu va Jorjinaning umumiy farzandi bor - Alan Martin. Tez orada ularning oilasi kattarishi kutilmoqda. Oktyabr oyi oxirida er-xotin egizak farzand kutayotgani ma’lum bo‘ldi. Portugaliyalikning yana uchta farzandi bor: kichik Krishtianu (noma’lum onadan) va surrogat onadan egizaklar - o‘g‘li Mateo va qizi Eva.
Kichik Krishtianu “Manchester Yunayted”yoshlari safidashug‘ullanadi va ushbu jamoa safidao‘ynaydi. Uning jamoadoshi afsonaviy Ueyn Runining o‘g‘li Kay Runi bo‘lib, uning otasi hamRonaldu ham Manchesterda birga o‘ynagan.
Jamshidjon Mahmudov tarjimasi.
