"Inter"dan "Sampdoriya"ga ijaraga o‘tgan yarim himoyachi Stefano Sensi Italiya termasi bosh murabbiyi Roberto Manchini uni Genuya klubiga o‘tishga ko‘ndirganini aytdi.
Manchini futbolchilik faoliyatining asosiy qismini "Sampdoriya"da o‘tkazgan.
“Men Manchini bilan gaplashdim va u "Sampdoriya" haqida juda yaxshi gapirdi, maslahat berdi va bu yerga kelishimni tavsiya qildi. Uning fikricha, bu to‘g‘ri qaror.
Men uchun esa “Sampdoriya” o‘zimni qayta boshlashning ajoyib usuli. Ikki yilni og‘ir o‘tkazdim, ammo hozir shu yerdaman”, dedi Sensi “Sampdoriya” matbuot xizmatiga bergan intervyusida.
