Madridning «Atletiko» klubi joriy mavsum yakunida jamoani tark etishi mumkin bo‘lgan Luis Suaresning o‘rniga futbolchi qidirishga qaror qildi. 35 yoshli urugvaylik futbolchining shartnomasi yozda yakuniga yetadi va «matraschilar» urugvaylik bilan hamkorlikni uzaytirishni rejalashtirmayapti.
Todofichajes nashrining xabariga ko‘ra, Suares o‘rniga hamyurti Montevideoning «River Pleyt» klubida to‘p suradigan Matias Aresoni sotib olmoqchi. Madrid klubi 19 yoshli hujumchining transferi uchun 10 million yevro to‘laydi. Areso mavsum oxirida «matraschilar» safiga qo‘shilishi mumkin.
O‘tgan yili Matias Urugvay chempionatida 37ta o‘yin o‘tkazib, 16ta gol urgan.
