Мадриднинг «Атлетико» клуби жорий мавсум якунида жамоани тарк этиши мумкин бўлган Луис Суареснинг ўрнига футболчи қидиришга қарор қилди. 35 ёшли уругвайлик футболчининг шартномаси ёзда якунига етади ва «матрасчилар» уругвайлик билан ҳамкорликни узайтиришни режалаштирмаяпти.
Todofichajes нашрининг хабарига кўра, Суарес ўрнига ҳамюрти Монтевидеонинг «Ривер Плейт» клубида тўп сурадиган Матиас Аресони сотиб олмоқчи. Мадрид клуби 19 ёшли ҳужумчининг трансфери учун 10 миллион евро тўлайди. Аресо мавсум охирида «матрасчилар» сафига қўшилиши мумкин.
Ўтган йили Матиас Уругвай чемпионатида 37та ўйин ўтказиб, 16та гол урган.
