"Milan"ning shvesiyalik forvardi Zlatan Ibrahimovich yaqin orada kelajagi bo‘yicha yakuniy qarorni qabul qiladi, deya xabar berdi "La Gazette Dello Sport".
Manba bergan ma’lumotlarga ko‘ra, Zlatan hozirda faoliyatini yakunlashni o‘ylamoqda. U so‘nggi vaqtlarda ko‘p jarohat olishi va jismoniy holatidan kelib chiqib, ushbu qarorga kelishi mumkin. Tez orada "Milan" rahbariyati va futbolchi o‘rtasida uchrashuv bo‘lib o‘tadi.
Ma’lumot uchun, uning "rossonerilar" bilan amaldagi shartnomasi 2022 yilning iyun oyi oxirigacha tuzilgan. 40 yoshli shved A Seriyaning joriy mavsumida 15 o‘yinida 8 gol urdi va 2 golli uzatmani amalga oshirdi.
Hozirda futbolchi jarohatidan tiklanishda davom etmoqda.
