"Милан"нинг швециялик форварди Златан Ибраҳимович яқин орада келажаги бўйича якуний қарорни қабул қилади, дея хабар берди "La Gazette Dello Sport".
Манба берган маълумотларга кўра, Златан ҳозирда фаолиятини якунлашни ўйламоқда. У сўнгги вақтларда кўп жароҳат олиши ва жисмоний ҳолатидан келиб чиқиб, ушбу қарорга келиши мумкин. Тез орада "Милан" раҳбарияти ва футболчи ўртасида учрашув бўлиб ўтади.
Маълумот учун, унинг "россонерилар" билан амалдаги шартномаси 2022 йилнинг июнь ойи охиригача тузилган. 40 ёшли швед А Сериянинг жорий мавсумида 15 ўйинида 8 гол урди ва 2 голли узатмани амалга оширди.
Ҳозирда футболчи жароҳатидан тикланишда давом этмоқда.
