«Katta dubulg‘a» turkumiga kiruvchi turnir 20 karra chempioni ispaniyalik Rafael Nadal 2022 yilgi Avstraliya ochiq chempionatida g‘olib chiqdi.
Australian Open - 2022 turnirining hal qiluvchi bahsida 35 yoshli Nadal qiyin kechgan bahsda dunyoning ikkinchi raketkasi rossiyalik 25 yoshli Daniil Medvedevni 3:2 hisobida mag‘lub etdi. Medvedev birinchi 2 setda g‘olib chiqdi — 6:2, 6:7. Shundan so‘ng Nadal keyingi 3 ta setni o‘ziniki qildi 6:4, 6:4, 7:5. Final bahsi 5 soat davom etdi.
E’tiborli jihati, shu paytgacha Nadal Melburnda faqat bir marta, 2009 yilda chempionlikni qo‘lga kiritgan.
O‘tgan yilgi Australian Open turnirida dunyoning birinchi raketkasi, serbiyalik tennischi Novak Jokovich g‘alaba qozongan edi. O‘tgan yilgi finalda u Medvedevni 7:5, 6:2, 6:2 hisobida mag‘lub etgandi. Jokovich viza mojarosi va keyinchalik deportasiya tufayli joriy mavsum turnirda ishtirok eta olmadi.
