«Катта дубулға» туркумига кирувчи турнир 20 карра чемпиони испаниялик Рафаэль Надаль 2022 йилги Австралия очиқ чемпионатида ғолиб чиқди.
Australian Open - 2022 турнирининг ҳал қилувчи баҳсида 35 ёшли Надал қийин кечган баҳсда дунёнинг иккинчи ракеткаси россиялик 25 ёшли Даниил Медведевни 3:2 ҳисобида мағлуб этди. Медведев биринчи 2 сетда ғолиб чиқди — 6:2, 6:7. Шундан сўнг Надаль кейинги 3 та сетни ўзиники қилди 6:4, 6:4, 7:5. Финал баҳси 5 соат давом этди.
Эътиборли жиҳати, шу пайтгача Надаль Мелбурнда фақат бир марта, 2009 йилда чемпионликни қўлга киритган.
Ўтган йилги Australian Open турнирида дунёнинг биринчи ракеткаси, сербиялик теннисчи Новак Жокович ғалаба қозонган эди. Ўтган йилги финалда у Медведевни 7:5, 6:2, 6:2 ҳисобида мағлуб этганди. Жокович виза можароси ва кейинчалик депортация туфайли жорий мавсум турнирда иштирок эта олмади.
