Italiyalik jurnalist Fabrisio Romanoning tarqatgan ma’lumotiga qaraganda, Angliyaning "Manchester Yunayted" klubi futbolchisi Fil Jons Fransiyaning «Bordo» jamoasiga ko‘chib o‘tishga yaqin kelgandi. Fransiya klubi «Manchester Yunayted» klubi bilan bu bitim borasida kelishuvga erishgandi.
Biroq, himoyachi Fransiya chempionatiga yo‘l olishni istamadi. Hozircha futbolchi bor e’tiborini Angliya chempionatiga qaratganligini bildirdi. Jons «Manchester Yunayted»ning asosiy tarkibidagi o‘rin uchun kurashmoqchi.
Jons ikki yil ichida «MYU» tarkibida atigi bitta uchrashuvda maydonga tushdi.