"Tottenxem" yarim himoyachisi Tanguy N'Dombele tez orada Fransiyaning "Lion" klubiga o‘tadi. Tomonlar sotib olish imkoniyati bilan mavsum oxirigacha ijara shartlarini kelishib oldilar. Bu haqda jurnalist Fabrisio Romano Tvitterda xabar berdi.

Manbaga ko‘ra, hozirda klublar kelishuv bo‘yicha hujjatlarni tayyorlamoqda. "Lion" yarim himoyachining maoshining bir qismini to‘laydi. N'Dombelening o‘zi kechadan beri Fransiyada.

Fransiyalik futbolchi 2019 yildan buyon “Tottenxem”da o‘ynamoqda, u “Lion”dan 60 million yevro evaziga o‘tgan edi.O‘yinchining klub bilan shartnomasi 2025 yilning 30 iyuniga qadar amal qiladi. Transfermarkt ma’lumotlariga ko‘ra, futbolchining bozor qiymati 38 million yevroni tashkil qiladi.