"Тоттенхэм" ярим ҳимоячиси Тангуй Н'Домбеле тез орада Франциянинг "Лион" клубига ўтади. Томонлар сотиб олиш имконияти билан мавсум охиригача ижара шартларини келишиб олдилар. Бу ҳақда журналист Фабрицио Романо Твиттерда хабар берди.
Манбага кўра, ҳозирда клублар келишув бўйича ҳужжатларни тайёрламоқда. "Лион" ярим ҳимоячининг маошининг бир қисмини тўлайди. Н'Домбеленинг ўзи кечадан бери Францияда.
Франциялик футболчи 2019 йилдан буён “Тоттенхэм”да ўйнамоқда, у “Лион”дан 60 миллион евро эвазига ўтган эди.Ўйинчининг клуб билан шартномаси 2025 йилнинг 30 июнига қадар амал қилади. Трансфермаркт маълумотларига кўра, футболчининг бозор қиймати 38 миллион еврони ташкил қилади.
