Ispaniya terma jamoasi va «Espanyol» hujumchisi Raul de Tomas «Arsenal» qiziqish bildirayotganiga qaramay, Kataloniya klubida qoladi, deb xabar beradi Marca.

Manbaga ko‘ra, «kanonirlar» ispaniyalik futbolchini o‘z safiga qo‘shib olmoqchi bo‘lgan, ammo «Espanyol» Raulni 75 million yevrodan kamiga sotishdan bosh tortgan, bu uning shartnomasida tovon puli sifatida ko‘rsatilgan.

Manba bergan xabarga ko‘ra, «Arsenal» hujumchi narxini pasaytirmoqchi bo‘lgan, biroq ispan klubi bunday takliflarga ham quloq solishni istamadi.

De Tomas joriy mavsumda La Ligada 21 ta o‘yinda maydonga tushib, 12 ta gol urdi va 2 ta golga assistentlik qildi.