Испания терма жамоаси ва «Эспаньол» ҳужумчиси Рауль де Томас «Арсенал» қизиқиш билдираётганига қарамай, Каталония клубида қолади, деб хабар беради Маrcа.

Манбага кўра, «канонирлар» испаниялик футболчини ўз сафига қўшиб олмоқчи бўлган, аммо «Эспаньол» Раулни 75 миллион евродан камига сотишдан бош тортган, бу унинг шартномасида товон пули сифатида кўрсатилган.

Манба берган хабарга кўра, «Арсенал» ҳужумчи нархини пасайтирмоқчи бўлган, бироқ испан клуби бундай таклифларга ҳам қулоқ солишни истамади.

Де Томас жорий мавсумда Ла Лигада 21 та ўйинда майдонга тушиб, 12 та гол урди ва 2 та голга ассистентлик қилди.