Xabaringiz bor, bugun jamoamiz Dubaydagi o‘quv-mashg‘ulot yig‘ini doirasida BAAning nomdor jamoasi «Shabab Al Ahli» bilan o‘rtoqlik o‘yini tashkil etildi.
Har ikkala jamoa vakillari o‘zaro professional munosabatlarni yo‘lga qo‘yishdi. Shu munosabat bugungi o‘tkazilgan bellashuvdan so‘ng AGMK futbol klubi rahbariyati «Shabab Al Ahli» jamoasiga esdalik sovg‘alari taqdim etdi.
Maxsus sovg‘ani AGMK jamoasi bosh murabbiyi Mirjalol Qosimov «Shabab Al Ahli» bosh murabbiyi Hassan Mahdiga topshirdi.
Kelajakda ham har ikkala jamoa turli yo‘nalishlarda o‘zaro hamkorlikni davom ettirishi kelishib olindi.
