«Real»ning xorvatiyalik yarimhimoyachisi Luka Modrich «qirollik klubi» unga atigi bir yillik shartnoma taklif qilganidan xavotirda emas, deb xabar beradi Marca.

Manbaga ko‘ra, bu holat futbolchini optimal formada bo‘lishga qo‘shimcha ravishda turtki beradi. Taxminlarga ko‘ra, yarimhimoyachi tez orada 2023 yilning yoziga qadar shartnoma imzolaydi. Futbolchining yangi kelishuvga ko‘ra maoshi 10 foizga kamaytiriladi.

36 yoshli Modrich joriy mavsum «Real» safida barcha turnirlarda 24 ta o‘yinda maydonga tushib, 2 ta gol urdi va 5 ta golli uzatmani amalga oshirdi.