Himoyachi Dani Karvaxal va yarimhimoyachi Marko Asensio seshanba kuni «Real Madrid»ning umumiy guruhida mashg‘ulot o‘tkazishdi. Cope nashri ma’lumotlariga ko‘ra, ikkalasi ham payshanba kuni «Atletik»ga qarshi Ispaniya kubogi chorak finali doirasidagi o‘yingacha to‘liq tayyor bo‘lishi kutilmoqda.
Boshqa tomondan, Karim Benzema mushaklaridan jarohat oldi va uning bo‘lajak o‘yinda maydonga tushishi hali aniq emas. Ferland Mendi ham jarohat olgan, Kazemiro, Vinisus Junior va Rodrigo esa JCH-2022 saralashida Braziliya terma jamoasi sharafini himoya qilish maqsadida Janubiy Amerikaga jo‘nab ketishdi. Shuningdek, Fede Valverde ham hali safga qaytgani yo‘q.
