Ҳимоячи Дани Карвахал ва яримҳимоячи Марко Асенсио сешанба куни «Реал Мадрид»нинг умумий гуруҳида машғулот ўтказишди. Cope нашри маълумотларига кўра, иккаласи ҳам пайшанба куни «Атлетик»га қарши Испания кубоги чорак финали доирасидаги ўйингача тўлиқ тайёр бўлиши кутилмоқда.
Бошқа томондан, Карим Бензема мушакларидан жароҳат олди ва унинг бўлажак ўйинда майдонга тушиши ҳали аниқ эмас. Ферланд Менди ҳам жароҳат олган, Каземиро, Винисус Жуниор ва Родриго эса ЖЧ-2022 саралашида Бразилия терма жамоаси шарафини ҳимоя қилиш мақсадида Жанубий Америкага жўнаб кетишди. Шунингдек, Феде Вальверде ҳам ҳали сафга қайтгани йўқ.
