PSJ himoyachisi Serxio Ramos Chempionlar ligasi 1/8 finalida «Real»ga qarshi o‘yinni o‘tkazib yuboradi. Le Parisien nashri xabariga ko‘ra, u jarohatidan forig‘ bo‘lishga ulgurmasligi mumkin.
Ispaniyalik futbolchi ushbu mavsumning aksariyat qismini jarohat tufayli o‘tkazib yubordi. Tibbiyot xodimlarining fikricha, u maydonga qaytishga shoshilgan, bu esa yangi jarohat olishiga sabab bo‘lgan.
15 fevral kuni Parijda PSJ va «Real» o‘rtasidagi Chempionlar ligasi 1/8 finalining ilk uchrashuvi bo‘lib o‘tadi. Javob o‘yini 9 mart kuni Madridda bo‘lib o‘tadi.
Eslatib o‘tamiz, Ramos PSJ bilan yozda shartnoma imzolagan edi, bungacha u ko‘p yillardan buyon «Real»da to‘p surgan.
