ПСЖ ҳимоячиси Серхио Рамос Чемпионлар лигаси 1/8 финалида «Реал»га қарши ўйинни ўтказиб юборади. Le Parisien нашри хабарига кўра, у жароҳатидан фориғ бўлишга улгурмаслиги мумкин.
Испаниялик футболчи ушбу мавсумнинг аксарият қисмини жароҳат туфайли ўтказиб юборди. Тиббиёт ходимларининг фикрича, у майдонга қайтишга шошилган, бу эса янги жароҳат олишига сабаб бўлган.
15 февраль куни Парижда ПСЖ ва «Реал» ўртасидаги Чемпионлар лигаси 1/8 финалининг илк учрашуви бўлиб ўтади. Жавоб ўйини 9 март куни Мадридда бўлиб ўтади.
Эслатиб ўтамиз, Рамос ПСЖ билан ёзда шартнома имзолаган эди, бунгача у кўп йиллардан буён «Реал»да тўп сурган.
