Rim klubi yarimhimoyachining ketishiga qarshi emas.

“Calciomercato” nashri xabariga ko‘ra, “Roma” Nikolo Zanyoloning 40 million yevroga sotishga rozi bo‘ladi. Kelasi yozda yarimhimoyachi “Yuventus”, “Milan” va “Tottenxem” kabi klublardan biriga o‘tishi mumkin.

“Roma” Zanyolo bilan tuzilgan shartnomani 2024 yilgacha uzaytirmoqchi. Biroq, boshqa klublarning qiziqishini hisobga olgan holda, futbolchi yakuniy qarorni kutishi mumkin.

Zanyolo “Roma”da 2018 yildan buyon to‘p suradi. Joriy mavsumda Nikolo Italiya A seriyasida 19 ta o‘yinda maydonga tushib, 2 ta gol urdi va 1 ta golli uzatmani amalga oshirdi.