UYEFA prezidenti Aleksander Cheferin tashkilotning "Evropa klublari futbol manzarasi" nomli yillik hisobotida Yevropa futbolining kelajagi haqidagi taxminlari bilan o‘rtoqlashdi.
“Oxirgi ikki yildagi saboqlardan biri shundan iboratki, faqat birdamlik va birgalikda ishlash orqali Yevropa futboli pandemiya kabi muammolarni yengib o‘tishi mumkin. Bu saboq ham “Superliga” deb atalmish loyihadan olindi. Yevropa futboli – muxlislar, klublar, futbolchilar va milliy assosiasiyalar hamjihatligi bilan bir necha adashganlarning o‘z manfaatini ko‘zlagan harakatlarining oldi olindi.
Ushbu hisobotda pandemiyadan keyingi muammolarning jiddiy tafsilotlari mavjud, biroq u Yevropa futbolining yagona yondashuvi bilan ajoyib chidamliligini ko‘rsatadi. Oxir oqibat, pandemiya bizni faqat kuchliroq qiladi.
Koronavirus inqirozi futbol qay darajada Yevropa hayotining bir qismi ekanligini ham ko‘rsatdi. Futbol ko‘pchilik uchun haqiqiy hayot yo‘liga aylandi. Kelgusi yil uchun dadil taxminlar qilmayman, lekin pandemiya davom etadimi yoki ketadimi, 2022 yilda Yevropa futboli kuchli, barqaror va birdam bo‘lib qolaveradi”, — deb yozdi Aleksandr Cheferin.
