УЕФА президенти Александер Чеферин ташкилотнинг "Европа клублари футбол манзараси" номли йиллик ҳисоботида Европа футболининг келажаги ҳақидаги тахминлари билан ўртоқлашди.

“Охирги икки йилдаги сабоқлардан бири шундан иборатки, фақат бирдамлик ва биргаликда ишлаш орқали Европа футболи пандемия каби муаммоларни енгиб ўтиши мумкин. Бу сабоқ ҳам “Суперлига” деб аталмиш лойиҳадан олинди. Европа футболи – мухлислар, клублар, футболчилар ва миллий ассоциациялар ҳамжиҳатлиги билан бир неча адашганларнинг ўз манфаатини кўзлаган ҳаракатларининг олди олинди.

Ушбу ҳисоботда пандемиядан кейинги муаммоларнинг жиддий тафсилотлари мавжуд, бироқ у Европа футболининг ягона ёндашуви билан ажойиб чидамлилигини кўрсатади. Охир оқибат, пандемия бизни фақат кучлироқ қилади.

Коронавирус инқирози футбол қай даражада Европа ҳаётининг бир қисми эканлигини ҳам кўрсатди. Футбол кўпчилик учун ҳақиқий ҳаёт йўлига айланди. Келгуси йил учун дадил тахминлар қилмайман, лекин пандемия давом этадими ёки кетадими, 2022 йилда Европа футболи кучли, барқарор ва бирдам бўлиб қолаверади”, — деб ёзди Александр Чеферин.