Ikkinchi kundirki Bekobodning “Metallurg” jamoasi yangi mavsum tayyorgarligini Turkiyaning Antaliya shahrida davom ettirmoqda. Kecha kunning birinchi yarmida murabbiylar shtabi futbolchilar bilan mashg‘ulot zalida ishlashdi. Trenajer snaryadlari yordamida jismoniy yuklamalar berildi.

Kunning ikkinchi yarmida esa mashg‘ulotlar ochiq maydonga ko‘chdi. Bu jarayonda o‘yin amaliyotini shakllantirish, futbolchilarning to‘p bilan ishlashlariga ko‘proq urg‘u qaratildi. Kechki hordiqdan keyin esa keyingi kunga kuch to‘plab olish uchun vaqtliroq dam olishga kirishildi.

Eslatib o‘tamiz, Turkiyadagi safarning uchinchi kuniga – ya’ni 5 fevral sanasiga nazorat uchrashuvi rejalashtirilgan.

“Metallurg”ning sparring raqibi Ukrainaning “Metallist” jamoasi bo‘ladi. Uchrashuv Turkiya vaqti bilan 17:00 (Toshkent vaqti bilan 20:00) boshlanadi.